جزاء البقمي **ضاق صدري**

[السيف الصقيل]

السلام عليكم ورحمة الله وبركاته


هذه قصيده للشاعر جزاء البقمي


من اداء والحان المبدع منير البقمي



ضاق صدري وانت قاطعني ( شهر ) !! والصبر .. لو طال ( قلّي ) ويش جاب !!

الله اكبر .. ويش باقي ما ظهر !! = دام في ظهر الوفا .. مغروس ناب !!

كف جورك من جروحي ما طهر !! = وصدك المعتاد .. لازم ( يستتاب ) !!

الشتا .. لا غبت .. شدّبي .. الظهر .. !! واستلذ .. عيون .. شوقي لك .. وذاب !!

واستباح .. ضلوع صدر ٍ .. منصهر !! = وانفتح له .. في ضلوع الصدر باب !!

لين شفته .. في ضلوعي .. مزدهر !! = لا يغيب .. ولا يموت .. ولا يهاب !!

سقت لك عمري على كفي مهر !! ودست من شانك على روس الصعاب !!

ولا ذخرت .. إلا دموعي .. والسهر !! = ولا شكيت .. إلا تباريح العذاب !!

ولا زرعت .. إلا من اشواقي .. زهر !! = ولا جنيت .. إلا مشاريه العتاب !!

جف شوقك .. يوم شوقي لك .. نهر !! واستوى .. عندك .. حضوري والغياب !!

الجفا .. في حق من حبك .. دهر !! = والوفا .. في حق من حبك .. سحاب !!

كان .. ودك تعرف .. اشمعنى ( القهر ) !! القهر : ( لاصرت تطرد لك سراب ) !!


http://www.rofof.com/f9pglbu26/Mnyr_albqmy.html

[مسلط بن عبدالله]

صح لسان الشاعر جزاء

ولانت يالسيف الصقيل

قصيده جميله ولحن رائع

بيض الله وجه صاحب الصوت الجميل منير البقمي




لاهنتوا جميعاً

[السيف الصقيل]

هلا مسلط منور في صفحتي المظلمه


لاهنت ع الرد يالغالي


دمت بوود

[لـطـام]

الله الله


صح لسان ابو نايف

قصيدة رائعه بروعته

ومشكور يالسيف الصقيل

بانتظار جديدك وابداعك


دمت بود

[النايـــف]

صح لسانك صح لسانك كم انت مبدع ياجزاء
ومشكور يالسيف الصقيل
تحياتي

[محمد المسفر]

وعليكم السلام

وصح لسان شاعرنا الكبير جزاء البقمي


لاهنت يالسيف على القصيدة

[عشق بدوي]

صح لسان شاعر المجتمع شاعرنا

ابو نايف

كل الشكر يالسيف على القصيدة