المساعد الشخصي الرقمي

مشاهدة النسخة كاملة : يوم طاح الوسم درجنا ضعنا :: للشاعر طميران بن صالح رحمه الله

ابو سعد
07-19-2009, 11:45 AM
بسم الله الرحمن الرحيم


الشاعر طميران بن صالح بن لافي بن خنفر ال مثيب القرفي المتوفي عام 1428هـ عن عمر يناهز 65عام




يوم طاح الوسم درجنا ضعنا = وأقتفتنا الوضح سمحات الخدودي

مع مجاهيم تون الحزم ونا = طافحن قدامها كل مهدودي

ذي عوايدنا وتاريخ لآهلنا = ننتحي مع درب هجال الرعودي

لأبعدت برق الوسامي ماشحنا = هل قطيع ماتقيد باالقيودي

ماحلى خبط الخزامى لانزلنا = ترجع الطياح في عشب النفودي

قدمها حيرانها لامن ضونا = وناحرت خلفاتها غم الحسودي

قدمها العساس يمشي ماتونا = واصبحت مع جرته مثل الورودي

فوق جيب(ن)لاعطى المطناج ونا = ينهزه بثنين والثالث يزودي

لين قامة في زماليقة تثنا = وان جحدني واحد(ن)عندي شهودي

الخيام البيض في نبته تبنا = قلقلانه راكب فوق الحيودي

علم اللي ينشد المطراش عنا = ندفع الخلفات في عشب الحدودي

لين سمنن العشاير واستونا = نيهن يفهق على الغارب سنودي

يوم قفى الوسم شلنا وارتحلنا = عقب طاح الصيف ياعله يعودي

صرمة رووس العروق اللي زمنا = يوم قالوا نجد تسقيه الرعودي
مسلط بن عبدالله
07-20-2009, 01:24 AM
الله يرحم الشاعر طماران بن صالح ويسكنه فسيح جناته

قصيده رائعه وشاعر جيد رحمه الله

شكرا لك يابوسعد على نقل هذه القصيده الجميله لنا


بارك الله فيك



.
نشمي ودندون
07-21-2009, 03:19 PM
الله يرحم الشاعر طميران بن صالح بن لافي بن خنفر ال مثيب القرفي


وشكرا لك يابوسعد





.
فهد القروف
07-21-2009, 06:58 PM
شكرا لك وبارك الله فيك

امتعتنا بقصيده جميله للشاعر طماران

الله يرحمه ..


وبيض الله وجهك على نقلها لنا




.
غانم بن جسار
07-23-2009, 02:29 PM
قصيدة ممتعة وراقية
وتحفة من تحف الشاعر طميران الله يرحمه
مشكور يا أبو سعد